<<浮生路>>

睇完<<浮生路>>，男主角艾與女主角愛普於酒吧調侃相識，之後結婚生仔組織家庭，艾於大企業返工行行企企食飯幾味，溝下女同事打下友誼波優哉悠哉; 老婆學過演戲得閒做下話劇可惜得唔到認同讚賞。有日老婆同老公講不如移民過d新生活，可以調轉頭我搵食你去尋找理想，老公應左先; 點知老細就話升職加薪, 老婆又有左, 口就話唔想行老豆舊路打份牛工終此一生, 但諗落都係唔走好過; 老婆接受唔到老公安於現狀慢性自殺，吵鬧過後，決定自行墮胎，失血過多回天乏術。

一點燭光, 薪火相傳

人性光輝,全賴有你!

回望

闊別年多，重開此blog，驚覺這段時間發生之多，絕非可見所想之內。每年生日，例必立下願望，可年復年後，回望之前年間，除多長歲外，根本沒啥分別; 甚至懷疑接下來都不會有何轉變。年多後，重操故業離去再復接受新的工作; 親姊患病治療完成好轉返家; 相識拍拖同居搬出買樓註冊擺酒。就是一年多點而已。What's matter?

復牌

本報訊: 在此(編號: 9394)宣佈明天復牌, 將注入物業代理業務, 總代價為4千萬港元, 其中2千萬會以每股0.1元配發2億股支付，較停牌前報價0.13元, 折讓23.07%, 佔擴大後股本17.11%；另外1.5千萬元以發行3年期可換股債券支付, 兌換價0.1元, 倘悉數兌換, 將發行1.5億股, 佔擴大後股本11.08%；餘下5百萬元將透過3年期承兌票據支付。

抖暑

家下正放緊“後學生年代”o既第一個暑假(睇唻都冇得幾多個), 同個fd講開其實每年都可以放個暑假都十分之不錯, 當係一個歇息期抖抖再唻個; 又可以回顧一下過去呢一年既工作得失, 正所謂捕漁都有休漁期啦, 番工都得就真係正。 跟住本應“申”緊教書辛苦個fd, 都覺得可以有“呀,又新一年喇!”個感覺確係不俗, 始終一般工作, 都冇乜得比你可以有一段時間唻歇息, 做得耐o左個人都會有一種迷失o既感覺; 聽講話歐洲果邊真係有得抖暑, 雖則都知我地特區冇乜可能實現到(除非重返大鑊飯年代啦,不過係就真係大鑊喇~), but恨下都好丫

重聚了

事隔多年, 今天再見, 以為又會激起心中的哀愁, 卻只是彼此在閒話家常, 了解一下近況, 陌生的感覺算不上, 像一般朋友侃侃而談, 談談工作如何, 家人又怎麼樣； 但在感情上, 大家都不願觸碰。

記得許久前, 我還會硬著頭皮問“點呀, 同男朋友幾好丫嘛, 幾時結婚呀”之類, 今天卻又覺得不相干了, 反正知道妳現在怎樣就可以。 早幾年還沉陷於自責中, 後悔太易放手, 又不懂珍惜, 自卑配不起妳, 不能給妳幸福； 倏地發現, 愛就是愛, 過程投入, 有付出自然有得著, 根本犯不著想太多, 因為許多事情就不能控制, 不是說不能想將來、 有計劃, 可惜變數太多, 掌握太少, 有人為, 有天意, 就“盡人事以聽天命”好了, 得出結論, 只有兩字: 投入。 抽離, 是不會傷痛, 但歡樂, 同樣按比例減少, 事後卻會帶來副作用: 追悔。 有人說過時間可以沖淡一切, 可再淡, 不代表不存在。 記得妳寫過給我“濯足清流, 舉足而後起者, 以非前水”, 現在深切體會了； 時光荏苒, 再遇都不會是大家的從前, 學懂珍惜, 便是了。

重聚

在又一城的星巴克, 點了一杯Caramel Macchiato, 選了一角坐下來, 看看手錶, 聽著店中柔和的音樂, 看看店內顧客的各種姿態, 有的呷著咖啡在看小說, 有的三五知己圍攏著談天說地, 有的忙著整理手中的notebook看股市行情。驀地, 耳邊傳來一聲
“喂”,
熟悉卻又不確定, 回頭一望,
“等o左好耐喇?”,
“唔係, 坐o左陣o者”
“喂, 好耐冇見喇! 嘩! 做乜你肥o左咁多o既? 好食好住啦~”
“係lor, 隨著年紀o既增長, 體重都按比例咁上升o既, 邊似得妳咁可以突破呢條‘在此定律’丫~
係呢, 都未叫o野飲添, 飲咩呀妳?”
“ E, Caramel Macchiato喎, 好耐冇飲過添, 不過而家戒o左啦, on diet, 我飲espresso 啦”
“嘩,妳又話訓唔著, 重飲espresso! Latte要slim milk啦好冇?”
“都好, 唔該晒!”

想著想著, 已三時多了, 希望聽日見到妳時, 不要有陌生的氛圍縈繞著就好了